Deputeti i Partisë Demokratike, Evin Salianji, ka zhvilluar pasditen e kësaj të martë një takim me strukturat e PD-së në lagjen nr. 18 të Durrësit.
Përmes një postimi në facebook, Salianji shkruan se demokratët janë të motivuar për përballjen me kandidaten e mbështetur nga “Non Grata” i Ramës, duke iu referuar ish-kryebashkiakut të Partisë Socialiste, Vangjush Dako.
“Në seksionin e Gjergjit në lagjen 18, në mbështetje të Luan Hotit.
Demokratët të motivuar në përballjen me kandidaten e mbështetur nga Non Grata i Ramës! Çdo votë për Partinë Demokratike është votë për ndryshim, votë për të mbrojtur mundin dhe sakrificën e çdo demokrati, votë për të ardhmen
Si përherë është kënaqësi dhe falenderim për çdo takim me demokratët!
Voto Partia Demokratike
Voto Luan Hoti”, shkruan Salianji.
